 |
 |
විපක්ෂයේ පොදු අපේක්ෂක මෛත්‍රීපාල සිරිසේනගේ වඳුරඹ ප්‍රචාරක රැලියකට පහරදීමේ සිද්ධිය සම්බන්ධයෙන් පොලිසිය තමන්ගෙන් ප්‍රශ්න කිරීම පදනම් විරහිත බව සුළු අපනයන භෝග ප්‍රවර්ධන නියෝජ්‍ය අමාත්‍ය නිශාන්ත මුතුහෙට්ටිගම පවසයි. මේ සම්බන්ධයෙන් ඔහුගේ රියදුරු හා ආධාර කරුවන් දෙදෙනාත් සැකපිට අත්අඩංගුවට ගත් බව මුතුහෙට්ටිගම වැඩිදුරටත් කියා සිටියා.
හෝකන්දර, හොරහේන ප‍්‍රදේශයේදී පසුගියදා සිදුවු ගුවන් අනතුරෙන් බරපතල තුවාල ලබා කොළඹ ජාතික රෝහලේ ප‍්‍රතිකාර ලබමින් සිටි ගුවන් හමුදා සෙබළා මිය ගොස් තිබෙනවා. බරපතල පිලිස්සුම් තුවාල සහිතව දැඩිසත්කාර ඒකකයේ ප‍්‍රතිකාර ලබමින් සිටියදී ඊයේ රාත‍්‍රීයේ ඔහු මෙලෙස ජීවිතක්ෂයට පත්ව ඇති බව සදහන්. මෙම අනතුර හේතුවෙන් ඔහුව රෝහලට ඇතුලත්කිරීමෙන් පසු සැත්කම් කිහිපයකටද භාජනය කෙරුණා. මිය ගිය සෙබළා ගුවන්භට ජී.කේ.එන්. චතුරංග නැමැත්තෙකි. පසුගිය දොළොස්වනදා පෙරවරුවේ සිදුවු මෙම අනතුරින් එම ගුවන් යානයේ ප‍්‍රධාන ගුවන් නියමුවා සහ සහායක නියමුවා ඇතුළු නිලධාරීන් සිව් දෙනෙකු අනතුර සිදු වු අවස්ථාවේදීම මිය ගියා.
